Commonwealth Games: मेरी कोमला झटका, राष्ट्रकुल खेळता येणार नाही, पायाच्या दुखापतीमुळे चाचणीतून माघार

Commonwealth Games: मेरी कोमला झटका, राष्ट्रकुल खेळता येणार नाही, पायाच्या दुखापतीमुळे चाचणीतून माघार

भारताची दिग्गज बॉक्सर एमसी मेरी कोम हिने राष्ट्रकुल क्रीडा स्पर्धेच्या चाचण्यांमधून माघार घेतली.

Commonwealth Games:भारताची दिग्गज बॉक्सर एमसी मेरी कोम हिने राष्ट्रकुल क्रीडा स्पर्धेच्या चाचण्यांमधून माघार घेतली. यापुढे तिला यंदाच्या राष्ट्रकुल स्पर्धेत सहभागी होता येणार नाही. शुक्रवारी पायाच्या दुखापतीमुळे मेरी कोमला हा निर्णय घ्यावा लागला. मेरी कोम 48 किलो वजनाच्या चाचणीसाठी हजर झाली होती पण दुखापतीमुळे तिला पहिल्या फेरीतच माघार घ्यावी लागली. 

 

सहा वेळा विश्वविजेती मेरी कोमने माघार घेतल्याचा फायदा हरियाणाच्या नीतूला झाला. दिल्लीतील इंदिरा गांधी आंतरराष्ट्रीय स्टेडियमवर झालेल्या कॉमनवेल्थ गेम्सच्या चाचण्यांच्या अंतिम फेरीत ती पोहोचली. मेरी कोमने अखेरचे कॉमनवेल्थ गेम्स (2018) मध्ये सुवर्णपदक जिंकले होते. चाचणी सामन्याच्या पहिल्या फेरीत दुखापत झाल्याने ती रिंगमध्ये पडली. 

 

39 वर्षीय बॉक्सरने दुखापत होऊनही लढण्याचे धाडस दाखवले, मात्र काही वेळाने तिचे संतुलन बिघडले आणि डाव्या पायात दुखू लागल्याने ती खाली बसली. मेरी कोमला रिंग सोडावी लागली. यामुळे रेफ्रींनी नीतूला विजेता घोषित केले. मेरी कोमने कॉमनवेल्थ गेम्सवर लक्ष केंद्रित करण्यासाठी वर्ल्ड चॅम्पियनशिप आणि एशियन गेम्समधून माघार घेतली होती.

 

पायाला दुखापत झाल्यानंतर तिला घेऊन जात असताना मेरी कोमच्या डोळ्यात अश्रू तरळले. भारतीय बॉक्सरला पॅरिसमध्ये खेळणे कठीण आहे कारण त्यांचे वय तोपर्यंत 40 वर्षा पेक्षा जास्त असेल.

 

Go to Source

Show More

Related Articles

Back to top button